ინფორმაციას ენერგოატომზე დაყრდნობით UNIAN ავრცელებს.

რატომ არის მნიშვნელოვანი: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც საფრთხეს კიდევ უფრო ზრდის.

  • უკრაინის პრეზიდენტი ვოლოდიმირ ზელენსკი რუსეთს "ბირთვულ შანტაჟში" ადანაშაულებს ელექტროსადგურში დაძაბულობის გამო;
  • ოფიციალური კიევის თქმით, რუსეთმა კომპლექსში 500-მდე ჯარისკაცი განათავსა, რომლებიც მას ფარად იყენებენ უკრაინის ქალაქებზე თავდასხმების განსახორციელებლად.

დეტალები: მათი ცნობით, ბოლო სამი დღის განმავლობაში მხოლოდ მე-6 ენერგობლოკი ფუნქციონირებდა და ელექტროსადგურს მხოლოდ საჭირო ენერგიით, დაბალ სიმძლავრეზე ამარაგებდა, რადგან ყველა სხვა ხაზი რუსული დაბომბვების შედეგად დაზიანდა.

  • თუმცა 10 სექტემბერს ქსელიდან გამორთეს და მისი ყველაზე უსაფრთხო, ცივ მდგომარეობაში გადაყვანის პროცედურა მიმდინარეობს.