მოსიარულე მკვდრებისა, გრეის ანატომიისა და ზებუნებრივის ვარსკვლავი ჯეფრი დინ მორგანი The Boys-ის მეოთხე სეზონში გამოჩნდება. როგორც ჩანს, ბიჭებისა და ზებუნებრივის შექმნელმა, ერიკ კრიპკემ საწადელს მიაღწია და ბევრი მცდელობის შემდეგ მორგანი სერიალში მონაწილეობაზე დაითანხმა.

ჯერჯერობით უცნობია, რა როლს მოირგებს ჯეფრი სერიალში, თუმცა აშკარაა, რომ მის თანხმობას ბიჭების მთელი გული სულმოუთქმელად ელოდა. მას სოციალურ ქსელებში უკვე მიესალმნენ:

"კეთილი იყოს შენი ოჯახში მობრძანება, ჯეფრი დინ მორგან. ჩვენ შენი აქ ყოფნით აღფრთოვანებულები ვართ. (ეს ფოტო მეოთხე სეზონიდანაა, რომელსაც ახლა ვიღებთ".

ჯერჯერობით უცნობია, ექნებათ თუ არა საერთო სცენები მორგანსა და ზებუნებრივის კიდევ ერთ ვარსკვლავს — ჯენსენ ეკლსს, რომელიც ბიჭების მესამე სეზონში ჯარისკაც ბიჭს განასახიერებდა. აღსანიშნავია, რომ ბიჭებში ჯიმ ბივერიც გამოჩნდა, რომელიც ზებუნებრივში ბობი სინგერის როლს ასრულებს.

ბიჭები კომიქსიების სერიის მიხედვით Amazon Prime-ის მიერ გადაღებული სერიალია, რომელიც სუპერგმირებით სავსე სამყაროზე მოგვითხრობს. თუმცა მარველისგან განსხვავებით, ამ სამყაროში სუპერგმირები საკუთარი ძალაუფლებითა და პოპულარულობით ბოროტად სარგებლობენ, მათ შესაჩერებლად კი ერთმანეთისგან რადიკალურად განსხვავებული ადამიანები ერთიანდებიან.