სამხრეთ კაროლინას სანაპიროზე 63 წლის ქალი ქოლგის დაცემის შედეგად გარდაიცვალა. სანაპიროზე მდებარე ერთ-ერთი სასტუმროს ქოლგა ძლიერი ქარის შედეგად მიწიდან ჰაერში აღმოჩნდა და საბოლოოდ ქალს მკერდის არეში დაეცა.

დაზიანების მიღების შემდეგ ქალი მაშინვე ადგილობრივ საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს. ექიმის თქმით, გარდაცვალების მიზეზი ქოლგის ღერძით მიყენებული მკერდის ტრავმა იყო.

სამხრეთ კაროლინას სანაპიროს ქოლგებს წვეტიანი ბოლო აქვთ, რათა ქვიშაში მათი დამაგრება შესაძლებელი გახდეს. უსაფრთხოების კომისიის განცხადებით კი, ძლიერი ქარის დროს მსგავსი ინციდენტი მხოლოდ მაშინ შეიძლება მოხდეს, თუ ქოლგა სათანადოდ არ არის დამაგრებული.

აშშ-ის ფედერალური სააგენტოს სტატისტიკით, ყოველწლიურად სანაპიროს ქოლგით დაახლოებით 3000 ადამიანი ზიანდება. რაც შეეხება გარდაცვლილ ქალს, მას მკერდის არეში ქოლგის წვეტიანი ბოლო დაეცა. დაშავებული კი გზაში მანამდე გარდაიცვალა, სანამ საავადმყოფოში მიიყვანდნენ.