გადაწყვეტილება ლატვიის სეიმმა დღეს, 11 აგვისტოს მიიღო.

რატომ არის მნიშვნელოვანი: უკრაინის ოფიციალურმა პირებმა არაერთხელ განაცხადეს, რომ რუსეთი კანონიერად უნდა იყოს აღიარებული, როგორც მსოფლიოში ყველაზე დიდი ტერორისტული ორგანიზაცია.

  • ოფიციალური კიევი მოუწოდებს ყველა სახელმწიფოს და ორგანიზაციას, რომ მოსკოვი ტერორიზმის სპონსორ სახელმწიფოდ აღიარონ.

დეტალები: ლატია უკრაინის შემდეგ პირველი ქვეყანაა, ვინც რუსეთი ტერორიზმის სპონსორ სახელმწიფოდ აღიარა.

  • სეიმის განცხადებით, რუსეთი იყენებს ტანჯვასა და დაშინებას, როგორც იარაღს უკრაინელი ხალხისა და შეიარაღებული ძალების დემორალიზებისთვის.
  • "რათა პარალიზდეს სახელმწიფოს უნარი, იმოქმედოს უკრაინის ოკუპაციისთვის".
  • სეიმმა სხვა ქვეყნებსაც მოუწოდა, რომ იგივე გადაწყვეტილება მიიღონ.

გადაწყვეტილებას გამოეხმაურა უკრაინის საგარეო საქმეთა მინისტრი დმიტრო კულება და რუსეთის საგარეო საქმეთა მინისტრის პრესსპიკერი, მარია ზახაროვაც.

  • კულებამ მადლობა გადაუხადა ლატვიას. თქვა, რომ რუსეთი დიდიხანია იმსახურებს ამ სტატუსს საქუთარი ქმედებების გამო უკრაინასა და მის ფარგლებს გარეთ.
  • ზახაროვა, რა თქმა უნდა, მომხდარს კრიტიკულად შეხვდა და ამტკიცებს, რომ ეს ნეონაცისტური გადაწყვეტილებაა.

აქამდე, აშშ-ის სენატმა მიიღო რეზოლუცია, რომელიც მოუწოდებს პრეზიდენტის ადმინისტრაციას, რუსეთი ტერორიზმის სპონსორ სახელმწიფოდ აღიაროს.

  • რუსეთი კი იმუქრება, რომ თუ ტერორიზმის სპონსორ სახელმწიფოდ აღიარებენ აშშ-სთან დიპლომატიურ კავშირს გაწყვეტს.

არქივიდან: ლატვია მაქსიმალურად უჭერს მხარს უკრაინას. მათ 5 აგვისტოს რუსეთის მოქალაქეებისთვის ვიზების გაცემაც შეაჩერა.

  • ლატვიის საგარეო საქმეთა მინისტრი ჯერ კიდევ 31 ივლისს ამბობდა, რომ რუსეთის მოქალაქეებისთვის ევროკავშირის ტურისტული ვიზა უნდა აიკრძალოს.
  • პირველ აგვისტოს ქვეყანამ შეაჩერა შეთანხმება რუსეთთან სასაზღვრო რაიონებში მცხოვრები რუსეთის მოქალაქეებისთვის საზღვრის გამარტივებული გადაკვეთის შესახებ.