კონგრესმენი ადამ კინზინგერი ამერიკის ხმასთან ინტერვიუში აცხადებს, რომ რაც უკრაინაში რუსების ყოფნისას ნახეს ისაა, რომ რუსეთი რეაგირებს არა ძალაზე არამედ, სისუსტის აღქმაზე და თავდასხმას იწყებს, თუ იფიქრებს, რომ მოგება შეუძლია.

რატომ არის მნიშვნელოვანი: პირველ აგვისტოს კონგრესმენმა განაცხადა, რომ მას შემდეგ რაც რუსეთი უკრაინაში დამცირებას იწვნევს, შესაძლოა, ვერ შეძლოს მის მიერ ოკუპირებული ტერიტორიების შენარჩუნება, ამიტომ საქართველოს HIMARS-ები უნდა გადაეცეს.

  • მოგვიანებით კინზინგერმა განმარტა, რომ საქართველოს ომში ჩართვის არანაირი სურვილი არ აქვთ და ეს სრული სიცრუეა.

კიდევ რას ამბობს კონგრესმენი: კინზინგერის თქმით, ყოველთვის ცდილობს შეახსენოს ქართველებს, უფრო მეტად კი ამერიკელებს, რომ საქართველო ავღანეთში ერთ სულ მოსახლეზე გათვლით ყველაზე დიდი კონტრიბუტორი იყო და მხოლოდ ამერიკას ჩამორჩებოდა ამ მაჩვენებლით.

  • "ვფიქრობ, რომ მნიშვნელოვანია საქართველოს მივცეთ იარაღი არა იმისთვის, რომ რუსეთს თავს დაესხას, არამედ იმისთვის, რომ მათ ნათლად უთხრან: შენ უკანონოდ გაქვს ოკუპირებული ჩემი ქვეყნის 1/3 და შენ მეტის ოკუპირება აღარ შეგიძლია, ჩვენ თავს დავიცავთ", — ამბობს კინზინგერი.
  • მისივე თქმით, ქართველებმა ნამდვილად აჩვენეს, რომ მზად არიან საკუთარი ქვეყანა დაიცვან, რომ ამის უნარი აქვთ და სჭირდებათ პარტნიორებთან თანამშრომლობა.
  • "ვფიქრობ, უნდა დავუბრუნდეთ იმის გააზრებას, რომ ძალა თავიდან იცილებს ომს და სისუსტე მხოლოდ კარს უღებს მას", — აცხადებს კონგრესმენი.
  • ის, ასევე, აცხადებს, რომ საქართველოსთვის რისკები გამწვავებულია და ახლაა იმის დრო, რომ შეაფასონ, თუ რა სჭირდება ქართულ ჯარს.