შინაგან საქმეთა სამინისტროს ინფორმაციით, ბორტზე ეკიპაჟის 4 წევრი, ასევე საგანგებო სიტუაციების მართვის სამსახურის 2 მაშველი და გადაუდებელი დახმარების ცენტრის 2 მედიკოსი იმყოფებოდა.

რატომ არის მნიშვნელოვანი: გუდაურში პარაპლანისტების დასახმარებლად მისული ვერტმფრენი ჩამოვარდა. მედიებმა გაავრცელეს ვიდეოები, რომელშიც ვერტმფრენის აფეთქება ჩანს.

დეტალები: შინაგან საქმეთა სამინისტრო, ასევე, აცხადებს, რომ პარაპლანის ინსტრუქტორის, თანმხლები მგზავრისა და ვერტმფრენის ბორტზე მყოფი პირების სამაშველო ღონისძიებებს განაგრძობენ.

  • მათივე ცნობით, საჰაერო ტრანსპორტის ექსპლუატაციის წესების დარღვევის ფაქტზე გამოძიება საქართველოს სისხლის სამართლის კოდექსის 275-ე მუხლით მიმდინარეობს.