სომხეთთან დამაკავშირებელი ელექტროგადამცემი ხაზის - ალავერდის გამორთვის გამო თბილისისა და საქართველოს რეგიონების ნაწილს ელექტროენერგიის მიწოდება შეუწყდათ. ამის შესახებ On.ge-ს საქართველოს ელექტროსისტემაში განუცხადეს.

უწყებაში ამ ეტაპზე მიზეზებზე საუბარი უჭირთ. ელექტროენერგიის მიწოდება უკვე აღუდგათ აბონენტების ნაწილს.

თბილისის სატრანსპორტო კომპანია აცხადებს, რომ თბილისის მეტროს საბურთალოს ხაზს 16:15 საათზე შეუწყდა ელექტროენერგიის მიწოდება თელასისგან, რის გამოც საბურთალოს ხაზი დროებით ვერ მოემსახურება მგზავრებს. კომპანიის ცნობით, ხაზზე მოძრავი ყველა მატარებელი მგზავრებისგან დაიცალა შესაბამის სადგურებზე.