საქართველოს ფინანსთა სამინისტროს საგამოძიებო სამსახურმა, განსაკუთრებით დიდი ოდენობის უაქციზო თამბაქოს ნაწარმის უკანონო შენახვა, რეალიზაცია, გადაზიდვის ბრალდებით, ორი პირი დააკავა.

უწყების ცნობით, გამოიებამ დაადგინა, რომ ერთ-ერთი ბრალდებული, წყალტუბოს რაიონში საკუთარი საცხოვრებელი სახლის სხვენში, შემდგომი უკანონო რეალიზაციის მიზნით, ინახავდა განსაკუთრებით დიდი ოდენობით უაქციზო სიგარეტს, კერძოდ, 29 239 კოლოფ "Master-ს", რომლის ნაწილიც, 7 500 კოლოფი უაქციზო სიგარეტი "Master" გაასაღა ერთ-ერთ ბრალდებულზე.

საქმეზე გამოძიება მიმდინარეობს საქართველოს სსკ-ის მე-200 მუხლის მე-3 ნაწილით, რაც სასჯელის სახით ითვალისწინებს თავისუფლების აღკვეთას 6-დან 8 წლამდე ვადით.