NDI-ის მიერ გამოქვეყნებული კვლევით, გამოკითხულთაგან პარლამენტის საქმიანობას "კარგად" მხოლოდ 10 პროცენტი აფასებს.

ამასთან, ყოველი მეოთხე გამოკითხული (25%) ფიქრობს, რომ პარლამენტი "ცუდად" მუშაობს, ექვსი პროცენტი კი პასუხობს "ძალიან ცუდად".

აღსანიშნავია, რომ პარლამენტის საქმიანობას "ძალიან კარგად" არავინ აფასებს, ანუ ჯამში უფრო მეტმა ადამიანმა უპასუხა "ცუდად" ან "ძალიან ცუდად" (31%), ვიდრე "კარგად" ან "ძალიან კარგად" (10%).

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.