NDI-ის უახლეს კვლევაში, რომლის შედეგებიც დღეს გამოქვეყნდა, გამოკითხულთა უმრავლესობა, 84 პროცენტი, აცხადებს, რომ პრეზიდენტის პირდაპირი წესით, ხალხის მიერ, არჩევას უჭერს მხარს.

მხოლოდ 9 პროცენტი აცხადებს, რომ პრეზიდენტი ხალხის მიერ არჩეულმა წარმომადგენლობამ უნდა აირჩიოს.

შეგახსენებთ, რომ ქართული ოცნების მიერ შემოთავაზებული საკონსტიტუციო რეფორმის მიხედვით, პრეზიდენტის პირდაპირი არჩევის წესი უქმდება და მას 300 ხმოსანი აირჩევს.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.