რომან გოცირიძე

12 Jul. 2022, 12:24

რას ნიშნავს ღარიბაშვილის წერილი, სახელად "იმსიგრძეა, რა წამაკითხებს ბოლომდე?" იმას, რომ ბიძინა ივანიშვილს (და არა მარტო მას), სანქციებმა კარებზე მიუკაკუნა. როგორ არა, ვხვდები ბიძინა ივანიშვილს, მაგრამ ეს შეხვედრები პოლიტიკური კი არა, ოჯახური ხასიათისააო. ვფიცავ მდინარე იორდანეს წმინდა წყალს, მხოლოდ სამკურნალო და სპორტულ საკითხებზე ვსაუბრობთო.

"ქართუდან" და ივანიშვილის ბიზნესებიდან დანიშნული ხალხი მხოლოდ პროფესიული ნიშნით არიან შერჩეულები, მხოლოდ კონსტიტუციას ემონებიან და არა ივანიშვილსო, ანუ ოლიგაქიულ არაფორმალურ მართვასთან არა გვაქვს საქმეო. დანარჩენი ლაქუცობები და შიშებია, შეგიძლიათ არ წაიკითხოთ.

ისე, ერთი, როგორც უყვართ ხოლმე თქმა, ლეგიტიმური კითხვა თუ გაგიჩნდებათ, ვინ დაგნიშნათ მაშინ და ვინ მოგხსნათ მაშინ ან ვინ დაგნიშნათ ახლა და ვინ გაგაგდებთ ხვალ, ხომ ვერ გვეტყვითო, როგორ ფიქრობთ, პასუხად რა იქნება? რა თქმა უნდა იტყვის, პარტიის ლეგიტიმური (როგორც ამბობენ ხოლმე) ორგანოო, ანუ პოლიტსაბჭოო. ვინ არის პოლიტსაბჭოში? ანტილიბერასტი რიჟვაძე აჭარიდან და ტიკარაძე ქუთაისიდან. რატომ ქუთაისიდან და არა საჩხერიდან? იმიტომ, რომ იგი ქუთაისის ტექნოლოგიური უნივერსიტეტის პრორექტორია შეთავსებით. პრორექტორი მომხსნის მალე და არა ის ბრძენი კაცი, ბატ. ბიძინაო, ეს გავიგეთ იმ გრძელი წერილიდან, ბოლომდე წაკითხვა რომ არ მოგინდება.


კომენტარები

კვირის ტოპ-5

  1. ტესტი: რა იცი ხვიჩა კვარაცხელიაზე
  2. ანასტასია კარტოზია — მომწონს საკუთარი თავი, მომწონს ჩემი ქვიარობა და მელამაზება
  3. კობახიძის დედამ TV პირველს სასამართლოში დავა მოუგო
  4. რას ამბობს კობახიძე რუსეთში "ნაწილობრივი მობილიზაციის" გამოცხადებაზე
  5. ქალი დეპუტატები თეა წულუკიანს სოლიდარობას უცხადებენ

გირჩევთ

ახლა კითხულობენ

გადახედვა

კულება: როცა პრეზიდენტმა თქვა: "არ ვტოვებ კიევს", შიში გადავდეთ და ვთქვით: "ვიბრძოლებთ"

ჩვენ ყველა ადამიანები ვართ, არა უშავს, რომ გეშინოდეს. მაგრამ იცით, რა ვისწავლე ამ ომში? აბსოლუტურად ნორმალურია, რომ არ…