ქართული ოცნების დეპუტატის, ირაკლი ზარქუას განცხადებით, FSB-ს ჯგუფს, რომელზეც სტრატეგია აღმაშენებლის ლიდერი საუბრობს, საქართველოში ნაციონალური მოძრაობა ჰქვია.

რატომ არის მნიშვნელობანი: მაშინ, როცა ქართული ოცნება პოლარიზაციის მონიტორინგის ჯგუფის შექმნას აანონსებს, პარტიის წევრები, სიძულვილის ენით ოპონენტების დისკრედიტაციას ცდილობენ.

  • მათ შორის, ირაკლი ზარქუა ერთ-ერთია, ვინც ხშირად იყენებს შეურაცმყოფელ ლექსიკას ოპონენტების წინააღმდეგ.
  • ბოლო დღეებში მმართველი გუნდისგან გინება, შეურაცხმყოფელი და ჰომოფობიური ლექსიკა მოვისმინეთ, იყო ძალადობაც, როგორც დეპუტატების, ასევე, პარტიის მხარდამჭერების მხრიდან.

ვაშაძის თქმით, რუსეთის მხრიდან საქართველოში მოვლენილა FSB-ს კონკრეტული ჯგუფი, რომელმაც შეიმუშავა ოპერატიული ლეგენდა, თითქოს სანქციების დაწესება იმის გამო მიმდინარეობს, რომ ვიღაცას საქართველოს ომში ჩართვა უნდა.

  • "ოფიციალურად მომაგრებული არიან კურატორები FSB-ს მხრიდან რომლებიც ყოველდღიურად უკონტროლებენ ქართული ოცნების ლიდერებს კონკრეტულ გზავნილებს".
  • მისივე თქმით, აქვთ სავარაუდო სახელები და გვარები იმ ადამიანების, ვინც საქართველოს მხრიდან ამ მესიჯების ქართულად დამუშავებაშია ჩართული.
  • პარტიაში დეტალური ინფორმაციის გავრცელებას დაზუსტების შემდეგ გეგმავენ.

პასუხად, ზარქუამ ჟურნალისტებს უთხრა, ვაშაძეს გადასცენ, რომ იდიოტია.

  • "FSB-ს გარკვეული ჯგუფი საქართველოში დიდი ხანია, არის და მას ჰქვია ნაციონალური მოძრაობა, ხოშტარია და ასე შემდეგ. ეს ხალხი მუშაობს საქართველოს წინააღმდეგ, მათ შორის მცდელობა აქვთ, რომ ეს ქვეყანა არიონ და ქაოსში გადაზარდონ".