ამერიკის პრეზიდენტი დონალდ ტრამპი გამოძიების ფედერალური ბიუროს ყოფილი დირექტორის, ჯეიმს კომის, მიმართ, ტვიტერზე გაფრთხილების შემცველ პოსტს აქვეყნებს.

"სანამ ჯეიმს კომი პრესაში ალაპარაკდება, უმჯობესია იმაზე იფიქროს, ჩვენი საუბრების "ჩანაწერები" ხომ არ არსებობს" - წერს აშშ-ს 45-ე პრეზიდენტი ტვიტერზე.

კომი, რომელიც ტრამპისა და რუსეთის შესაძლო კავშირს იძიებდა, ტრამპმა 10 მაისს სამსახურიდან გაათავისუფლა.

ამერიკის ხმის ინფორმაციით, გამოძიების ფედერალური ბიუროს უკვე ყოფილი ხელმძღვანელი გათავისუფლებამდე რამდენიმე დღით ადრე გამოძიებისთვის დამატებით რესურსებს ითხოვდა.