ამერიკელი მსახიობი, ჰოლივუდის ვარსკვლავი ჯულია რობერტსი ახალ ფილმში მიიღებს მონაწილეობას, სადაც მთავარ, კიტი მილერის როლს შეასრულებს.

ახალი ფილმი სახელად The Bookseller, სინტია სვენსონის ამავე სახელწოდების რომანის ეკრანიზაცია იქნება.

სიუჟეტი 1960-იან წლებში, მარტოხელა ქალის ცხოვრებაზე მოგვითხრობს, რომელიც წიგნების გამყიდველად მუშაობს და საკუთარ გამოგონილ, პარალელურ სამყაროში ცხოვრობს, სადაც ჰყავს ქმარი და შვილები. მთავარი სიუჟეტური ხაზიც მის რეალურ და გამოგონილ სამყაროს შორის ვითარდება, როდესაც კიტი მილერი [ჯულია რობერტსი] ვეღარ ხვდება სად მთავრდება ზღვარი რეალურსა და გამოგონილს შორის.

კიდევ ერთი როლი, რომელსაც ჯულიას გულშემატკივრები ელიან ასევე ბესტსელერი წიგნის I’ll Get You! ეკრანიზაცია იქნება. ფილმი ნარკოტიკებზე, ტერორსა და ტყუილზეა, რომელის წინააღმდეგაც რობერტსს მარტოს მოუწევს ბრძოლა.

წიგნი რეალურ ამბავზეა დაფუძნებული და ის კელი პიტერსის (ჯულია რობერტსი) ამბავს აღწერს, რომელიც სრულიად მარტო რჩება დიდი აფერის წინააღმდეგ, რომელმაც მას ცხოვრება თავდაყირა დაუყენა.

ამასთანავე ჯულია რობერტსი ტელევიზიასაც არ ტოვებს უყურადღებოდ და სულ მალე HBO-ს ახალი სერიალის მთავარი ვარსკვლავი გახდება.

დღეს ყველაფერი შეიცვლება - ასე ერქმევა ახალ სერიალს, რომელიც მარია სიმპლის ამავე სახელწოდების ბესტსელერი ნოველის ეკრანიზაცია იქნება.

ისტორია ელეონორ ფლუდის გარშემო ვითარდება, რომელმაც იცის მისი არეული ცხოვრების შესახებ, თუმცა ერთ დღეს გადაწყვეტს ყველაფერი შეცვალოს. ის უნდა გაუმკლავდეს შვილს რომელიც გამუდმებით ატყუებს, მოღალატე ქმარს რომელთან სექსიც ელეონორს სიამოვნებას აღარ ანიჭებს, კოლეგებს, რომელთაც მისი წარმატებების შურთ და ა.შ.

კრიტიკოსებმა წიგნი შეაფასეს, როგორც ყველაზე დრამატული, იუმორისტული, სულისშემძვრელი ამბავი, რომელიც გამუდმებით გაიძულებს მიჰყვე და ბოლომდე გადაეშვა საიდუმლოებებით, დრამითა და ტრაგიზმით აღსავსე ისტორიაში.

თუმცა ამ ფილმებამდე ჯულიას ერთი სერიალი და ფილმი უნდა გამოვიდეს.

ერთ-ერთი ამაზონის სერიალი, Homecoming-ია, რომლის სცენარი Mr. Robot-ის შემქმნელ სემ ისმაილს ეკუთვნის და ის Gimlet Media-ს პოდკასტებზეა დაფუძნებული, რომელშიც ჯარისკაცები ყვებიან თუ როგორ ადაპტირდნენ გარემოსთან ომიდან დაბრუნების შემდეგ.

ასევე წელს იგეგმება ფილმის - Ben is Back პრემიერაც, რომელშიც ოსკარის მფლობელი მსახიობი ჯულია რობერტსი და Manchester By the Sea-ს ვარსკვლავი ლუკას ჰეჯესი დედა-შვილის როლს შეასრულებენ.

სიუჟეტის ეპიცენტრში ბენ ბერნსი (ლუკას ჰეჯესი) და ჰოლი ბერნსი (ჯულია რობერტსი) არიან.

ბენი ახალი წლის ღამეს სახლში ბრუნდება, ჰოლის ძალიან უხარია შვილის გამოჩენა, თუმცა ხვდება რომ მის თავს რაღაც უბედურება ხდება. დრამის სიუჟეტი ერთი დღე ღამის განმავლობაში ვითარდება და რობერტსის პერსონაჟი ცდილობს მისი ოჯახი ყველაზე დიდ ტრაგედიას ააცილოს.