ბოლო პერიოდში ძალიან ბევრი ცნობილი რეჟისორი დიდი ეკრანიდან ტელევიზიის მცირე ეკრანზე ინაცვლებს და მაყურებელს საინტერესო სერიალებს სთავაზობს. მათ შორის არის ჯეინ კამპიონი, რომელიც სერიალ Top of the Lake-ის ახალი სეზონის პრემიერით კანის კინოფესტივალზე ჩავა.

კრიმინალურ დრამაში მთავარ როლებს ელიზაბეტ მოსი და ნიკოლ კიდმანი ასრულებენ. აღსანიშნავია, რომ კიდმანი კანის ფესტივალზე სამი სხვა ფილმითაც წარდგება მაყურებლის წინაშე.

Top of the Lake: China Girl, მოგვითხრობს ისტორიას მკვლელზე, რომელზე ნადირობაც მას შემდეგ დაიწყება, როდესაც სიდნეის სანაპიროზე გოგოს გვამი გამოირიყება.

დეტექტივი რობინ გრიფინი, რომელიც სიდნეიში ახალი დაბრუნებულია და ცხოვრების თვიდან დაწყებას გეგმავს მკვლელის პოვნას გადაწყვეტს, თუმცა რამდენი ნაბიჯითაც უახლოვდება სიმართლის დადგენას, იმდენივე ახალი საიდუმლო ჩნდება.

ფესტივალზე Top of the Lake-ის მეორე სეზონის გარდა კიდევ ერთი, დეივიდ ლინჩის ტვინ პიქსის ახალი სეზონის პრემიერაც იგეგმება.

კანის კინოფესტივალი წელს 17 მაისს დაიწყება.