ფინალური ბრძოლა იწყება — ნახეთ Stranger Things 4-ის ახალი სერიების ტრეილერი

სულ რამდენიმე დღეში Stranger Things-ის (უცნაური ამბები) მილიონობით ერთგული მაყურებლის მოლოდინი დასრულდება და მეოთხე სეზონის ბოლო სერიებს ვიხილავთ.

თუმცა იქამდე ნეტფლიქსმა ჩვენი ცნობისმოყვარეობის ერთიორად გასაზრდელად ტრეილერი გამოუშვა, რომლის ნახვის შემდეგაც პრემიერის თარიღამდე — პირველ ივლისამდე ერთი სული გექნებათ, რომ ზუსტად გაიგოთ, მაინც რა ბედი ეწევათ საყვარელ პერსონაჟებს.

ორწუთიანი ტრეილერით თუ ვიმსჯელებთ, წინ ნამდვილად დაძაბული სანახაობა გველოდება:

ნეტფლიქსმა თავისი ამ ერთ-ერთი ყველაზე პოპულარული სერიალის ახალი სეზონი ორ ნაწილად გაყო: პირველი შვიდი სერიის პრემიერა 27 მაისს შედგა, დარჩენილი ორი ფინალური ეპიზოდი კი, როგორც უკვე აღვნიშნეთ, პირველ ივლისს გამოვა.

შეიძლება, ორი სერია გეცოტაოთ, თუმცა დაგამშვიდებთ და გეტყვით, რომ ორივე ეპიზოდის ხანგრძლივობა ჯამში დაახლოებით ოთხი საათი იქნება.