ქალთა მოძრაობა საქართველოზე ევროკომისიის დასკვნას ეხმაურება და მთავრობას გენდერული თანასწორობის გაუმჯობესებისა და ქალთა მიმართ ძალადობის წინააღმდეგ კონკრეტული ნაბიჯების გადადგმისკენ მოუწოდებს.

რატომ არის მნიშვნელოვანი: საქართველოში ქალთა და ოჯახში ძალადობის პრობლემა მწვავედ დგას.

  • ევროკომისია რეკომენდაციებში მოითხოვს, რომ გაძლიერდეს გენდერული თანასწორობა და ბრძოლა ქალთა მიმართ ძალადობის წინააღმდეგ.
  • ომბუდსმენის განცხადებით, ფემიციდის სტატისტიკა კვლავ საგანგაშოა.

ქალთა მოძრაობა ითხოვს, რომ 24 ივნისამდე ქალზე და ოჯახში ძალადობის კანონში ფემიციდის განმარტება ჩაიდოს.

  • შეიცვალოს სისხლის სამართლის კოდექსში გაუპატიურების მუხლი, რითიც თანხმობის არარსებობა გახდება ცენტრალური ამოსავალი.