2023 წელს გრეტა გერვიგის მაღალი მოლოდინების მქონე ფილმის — Barbie-ს (ბარბი) პრემიერა იგეგმება, რომელშიც მთავარ როლს მარგო რობი ასრულებს, ხოლო რაიან გოსლინგს თოჯინა კენის როლში ვიხილავთ.

ჯერ იყო და გადასაღები მოედნიდან მარგო რობის ფოტო გავრცელდა, ახლა კი რაიან გოსლინგის ჯერ დადგა და აქვე გეტყვით, რომ ინტერნეტი ამისთვის მზად არ აღმოჩნდა.

ფოტოზე ვხედავთ, რომ რაიან გოსლინგი კენის როლისთვის გარეგნულად ძალიან შეცვლილია. მსახიობის შეღებილი თმა, რუჯი და მუცლის პრესი სოციალურ ქსელებში განხილვის თემად იქცა. ზოგი მსახიობის ასეთი ტრანსფორმაციით გაოცებულია, ზოგიც კი ფიქრობს, რომ როლზე სხვა უფრო შესაფერისი კანდიდატი უნდა შეერჩიათ.

ახლა სწორედ ინტერნეტმომხმარებლების 10 საუკეთესო რეაქციას გთავაზობთ, რომლებიც ერთგვარად აჯამებს კენის როლში რაიან გოსლინგის პირველად გამოჩენისას ჩვენს შთაბეჭდილებებსაც:

1. პირველი იმპულსი

2. როცა ორ რადიკალურად განსხვავებულ პიროვნებას აერთიანებ

3. "კენის როლში რაიან გოსლინგს უფლებას მივცემდი, რომ გული მატკინოს"

4. როცა 4-წლიანი პაუზის შემდეგ რაიან გოსლინგი ტვიტერზე პირველად შემოვიდა

5. "უკაცრავად, სად შეიძლება, კენის კონკრეტულად ეს თოჯინა რომ ვიყიდო?"

6. "როცა მასზე ვფიქრობ"

7. პლასტმასის კაცი პლასტმასის კაცს ხვდება

8. "ბავშვები უკვე გაერთნენ, ახლა ნამდვილი კაცების ჯერია"

9. მსგავსებაც უკვე შემჩნეულია

10. მარგო რობისა და რაიან გოსლინგის შეხვედრა

აქვე არ უნდა დაგვავიწყდეს, რომ ბარბის გრეტა გერვიგი იღებს, რომელმაც მაყურებლები უკვე მოხიბლა თავისი საოცარი ლედი ბერდითა და პატარა ქალებით. შესაბამისად, მისგან ნამდვილად საინტერესო სანახაობას უნდა ველოდოთ, რომლის შეფასებასაც 2023 წლის 21 ივლისიდან შევძლებთ.