ქართული ოცნების დამფუძნებლელსა და მასთან დაახლოებულ ბიზნესმენებთან ერთად, დროა მოსამართლეების სანქცირებასაც ითხოვს. ელენე ხოშტარია აპირებს, ინფორმაცია ევროპელ და ამერიკელ პარტნიორებს მიაწოდოს.

რატომ არის მნიშვნელოვანი: არასამთავრობო სექტორი, საერთაშორისო პარტნიორები და ოპოზიცია ხშირად საუბრობს სასამართლო კლანზე და აღნიშნავენ, რომ ისინი გადაწყვეტილებებს მმართველი გუნდის პოლიტიკური დაკვეთით იღებენ.

  • მოსამართლეთა ნაწილს მურუსიძე-ჩინჩალაძეს კლანად მოიხსენიებენ.
  • პარტნიორებმა უკან გადადგმულ ნაბიჯად შეაფასეს მოსამართლეთა არჩევა უზენაეს სასამართლოში.
  • სასამართლო რეფორმის მნიშვნელობაზე ხაზგასმული იყო შარლ მიშელის დოკუმენტშიც.

ვის სანქცირებას ითხოვს ხოშტარია: ის არასამთავრობო სექტორის კვლევების საფუძველზე 9 მოსამართლეს ასახელებს მათ შორისა არიან: მიხეილ ჩინჩალაძე, ლევან მურუსიძე, შალვა თადუმაძე, გიორგი მიქაუტაძე

  • ლაშა ჩხიკვაძე — თბილისის საქალაქო სასამართლოს მოსამართლე;
  • ბესიკ და ვალერიან ბუგიანიშვილები — სააპელაციო სასამართლოს და თბილისის საქალაქო სასამართლოს მოსამართლეები;
  • ირაკლი შენგელია — იუსტიციის უმაღლესი საბჭოს ყოფილი წევრი;
  • სერგო მეთოფიშვილი — კოლეგიის თავჯდომარე.

დეტალები: ამ სიაშია მთავარი არხის გენერალური დირექტორის, ნიკა გვარამიას საქმის მოსამართლე ლაშა ჩხიკვაძე.

  • რას შეეხება ძმებ ბუგიანიშვილებს, ხოშტარიას თქმით, მათ ხელში გადიოდა ბევრი მნიშვნელოვანი საქმე, როგორებიცაა ე.წ. კაბელების, ციანიდის, რურუას.
  • ხოშტარია აღნიშნავს იმასაც, რომ მიქაუტაძე იუსტიციის საბჭოში იყო მდივანი მაშინ, როდესაც კლანის საბოლოო გამყარება ხდებოდა.

აქამდე, ხოშტარიამ უკვე მოითხოვა ევროპარლამენტის რეზოლუციის საბოლოოდ შესრულება და ბიძინა ივანიშვილისთვის სანქციების დაწესება.

  • მან დაასახელა ბიზნესმენები რომლებიც, მისი თქმით, ივანიშვილის ოლიგარქიული მმართველობის საყრდენები არიან.
  • ხოშტარიას განცხადებით, ოპოზიცია სანქციების დაწესებაზე სამუშაოდ ვაშინგტონსა და ბრიუსელში გეგმავს ვიზიტს.

ქართული ოცნებაში ამბობენ, რომ ვინც ბიძინა ივანიშვილის სანქცირებაზე საუბრობს ქვეყანა არ უყვართ.

  • პარტიის თავმჯდომარემ, ირაკლი კობახიძემ დაანონსებული ვიზიტზე საუბრისას თქვა, რომ ისინი თავისას ვერ გაიტანენ.