Showtime-ის ახალი სერიალში, რომელსაც ბენ სტილერი გადაიღებს, მთავარ როლებს ოსკაროსანი მსახიობი პატრისია არკეტი და ბენისიო დელ ტორო შეასრულებენ.

სერიალის სიუჟეტი კლინტონის ციხიდან ბოლო 150 წლის მანძილზე პირველ და ყველაზე გახმაურებულ გაქცევას ეხება.

2015 წელს მკვლელობაში ბრალდებულმა ორმა მამაკაცმა რიჩარდ მეთმა და დეივიდ სვითმა 1865 წელს აშენებული ციხიდან გაქცევა მოახერხეს.

როგორც პოლიციამ გაარკვია, მათმა მეგობრებმა როგორღაც გაქცევისა და გვირაბის გათხრისთვის საჭირო ინსტრუმენტების ციხეში შეგზავნა მოახერხეს, შედეგად პატიმრებმა ფოლადის მილები გატეხეს და ქალაქის კანალიზაციის გვირაბამდე მიაღწიეს.

გაქცეული პატიმრები ამის შემდეგ აღარავის უნახავს.

ახალ სერიალში დელ ტორო ერთ-ერთ პატიმარს განასახიერებს, არკეტი კი კლინტონის ციხის თანამშრომლის როლში მოგვევლინება.