AP-ის ინფორმაციით, რუსეთმა აზოვსტალის ქარხანაში დაღუპული სამხედროების ცხედრების უკრაინისთვის გადაცემა დაიწყო. მედიის ცნობით, ათეულობით მებრძოლის ცხედარი უკრაინას უკვე გადასცა.

გამოცემა აზოვის ბატალიონის ლიდერსა და პრესსპიკერზე დაყრდნობით წერს, რომ დაღუპულები კიევში გადაასვენეს, სადაც იდენტიფიცირებისთვის კვლევები მიმდინარეობს.

პარალელურად, ბრძოლები გრძელდება აღმოსავლეთ უკრაინაში, რომელიც ამ ეტაპზე რუსეთის მთავარ სამიზნეს წარმოადგენს. ბოლო რამდენიმე კვირაა ოკუპანტები სევეროდონეცკის აღებას ცდილობენ — მოსკოვის მთავარი მიზანი ახლა დონბასის რეგიონზე სრული კონტროლის დამყარებაა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.