ცოტა ხნის წინ მუსიკისა და ფეხბურთის სამყაროს ყურადღების ცენტრში შაკირა და ჟერარდ პიკე აღმოჩნდნენ. კოლუმბიელმა მომღერალმა და ესპანელმა ფეხბურთელმა დაშორების შესახებ განცხადება გამოაქვეყნეს.

"მწუხარებით გაცნობებთ, რომ ერთმანეთს ვშორდებით. ჩვენი უმთავრესი პრიორიტეტის, ჩვენი შვილების კეთილდღეობისთვის გთხოვთ, პატივი სცეთ ჩვენს პირად ცხოვრებას. მადლობას გიხდით გაგებისთვის", — განაცხადეს შაკირამ და პიკემ.

შაკირა და პიკე ერთმანეთს 12 წლის წინ შეხვდნენ, როცა პიკე მსოფლიო თასისთვის შაკირას სიმღერა Waka Waka-ზე გადაღებულ კლიპში მონაწილეობდა. მათ ორი საერთო შვილი — მილანი და საშა ჰყავთ.