პარლამენტის ვიცე-სპიკერი, გია ვოლსკი, მოსკოვის ყოფილი მერის, იური ლუჟკოვის ვიზიტის შესახებ ამბობს, რომ მისთვის საქართველოს კარი ღიაა, თუ მას დარღვევა არ აქვს ჩადენილი. ამის შესახებ, მან საზოგადოებრივ მაუწყებელთან ინტერვიუსას ისაუბრა:

"უპრობლემოდ შესვლა იმაზე მიუთითებს, რომ მას საკუთარ დოკუმენტებში დარღვევის აღმნიშვნელი რაიმე ჩანაწერები არ აქვს".

ვოლსკი მიიჩნევს, რომ საქართველომ ყველას მიმართ სუტუმარ-მასპინძლობა უნდა გამოიძინოს:

"ვინც ქვეყანაში მეგობრული გულით შემოვა, ლუჟკოვი იქნება თუ ნებისმიერი სხვა უცხოელი, საქართველომ სტუმარ-მასპინძლობა იცის, მაგრამ სამწუხაროდ, რუსეთთან დაძაბული ურთიერთობა დიდი ხანი არ გადაივლის. საქართველოს კარი ღია იყოს იმ ხალხისთვის, ვინც კეთილგანწყობილია და ქვეყანაში კეთილი სურვილებით მოდის.

მოსკოვის ყოფილი მერი იური ლუჟკოვი საქართველოში იმყოფება. იგი საქართველოში ოთხი დღის წინ სომხეთიდან ჩამოვიდა. მან საზოგადოებრივ მაუწყებელთან ექსკლუზიური ინტერვიუს დროს საქართველოს ტერიტორიული მთლიანობის საწინააღმდეგო განცხადება გააკეთა:

"აფხაზეთი სხვა ქვეყანაა, ეს სულ სხვა ხალხია. ასეა ოსეთიც. ბუნებრივია, არსებობს გარკვეული ნოსტალგია და ბრაზი, მაგრამ ვფიქრობ, საქართველო, ამ რეგიონების ჩამოშორების შემდეგ, მომავალში უკეთ იგრძნობს თავს".