SOLO მომხმარებლების ინტერესებსა და სურვილებზე მორგებული სიახლეების შეთავაზებას განაგრძობს. 1-ლ ივნისს, ბავშვთა დღეს, SOLO Sunday-ისა და შუმბალენდის ერთობლივი პროექტის ფარგლებში, ვაკის პარკში საბავშვო მარკეტი — SOLO Kids Market — გაიმართება.

ღონისძიებაზე ახალგაზრდა მეწარმეები საკუთარ პროდუქციას სხვადასხვა კატეგორიიდან წარადგენენ, როგორიცაა: კრაფტი, საბავშვო ტანსაცმელი, ხელნაკეთი სამკაული, აქსესუარები, სათამაშოები, კვება და სხვა. პროდუქციის შეძენა ადგილზე 14 საათიდან 21 საათამდე იქნება შესაძლებელი.

შუმბალენდის ტერიტორიაზე ასევე დაგვხვდებათ SOLO Sunday-ის კუთხე, სადაც მთელი დღის განმავლობაში მოეწყობა მრავალფეროვანი მასტერკლასები. ასევე, სახალისო და გასართობი აქტივობები, მუსიკალური შოუ, ბავშვებისთვის ცნობილი და საყვარელი პერსონაჟები ოჩოფეხებზე და სხვა.

ღონისძიების განრიგი:

  • 14:00-16:00 — ხელნაკეთი აქსესუარების შექმნის მასტერკლასი
  • 16:00-20:00 — სახის მოხატვის მასტერკლასი
  • 16:00-20:00 — ბუშტების მასტერკლასი

"SOLO მხარს უჭერს ახალგაზრდა თაობას და დამწყებ, მომავალ მეწარმეებს", — აცხადებს SOLO Lifestyle დეპარტამენტის ხელმძღვანელი, ნინო ჩიქოვანი, — "მსგავსი ინიციატივების ფარგლებში, ჩვენი მიზანია ხელი შევუწყოთ მათთვის საერთო სივრცის შექმნას, რათა ახალგაზრდებმა შეძლონ საყვარელი ჰობის განვითარება, დასახული მიზნებისა თუ ოცნებების რეალობად ქცევა და საკუთარი შემოქმედების ფართო აუდიტორიისთვის გაცნობა. SOLO მათ მომავალშიც არაერთ საინტერესო სიახლეს შესთავაზებს".

ღონისძიების დეტალები:
ლოკაცია: ვაკის პარკი, შუმბა ლენდი
დრო: 14:00-21:00
თარიღი: 1-ლი ივნისი