საფრანგეთის საპრეზიდენტო არჩევნების მეორე ტურში, ამომრჩეველთა აქტივობა შუადღის 12 საათის მონაცემებით, 28,23 პროცენტია.

საფრანგეთის შინაგან საქმეთა სამინისტროს ინფორმაციით, აქტივობა წლების განმავლობაში ეცემა, რადგან 2012 წლის არჩევნებისას იგი - 30,66 პროცენტი, 2007 წელს, კი 34,11 პროცენტი იყო.

საპრეზიდენტო არჩევნების მეორე ტურისთვის, საარჩევნო უბნები ადგილობრივი დროით დილის რვა საათზე გაიხსნა და საღამოს შვიდ საათზე დაიხურება, ზოგიერთ დიდ ქალაქში კი ხმის მიცემა რვა საათამდე გაგრძელდება.

დღეს, 7 მაისს, საფრანგეთის მოსახლეობამ, ცენტრისტ ემანუელ მაკრონსა და ულტრა-მემარჯვენე, ეროვნული ფრონტის ლიდერ, მარინ ლე პენს შორის უნდა გააკეთოს არჩევანი.