გუგლი ტრადიციას არც წელს ღალატობს და 26 მაისს — საქართველოს დამოუკიდებლობის დღეს დუდლით გვილოცავს. დუდლზე ცის ფონზე მოლივლივე საქართველოს დროშაა გამოსახული. მასზე დაწკაპების შემდეგ კი ვებსაიტი სტუმრებს დამოუკიდებლობის დღის შესახებ ინფორმაციას აწვდის.

ფოტო: Google

დუდლის აღწერაში გუგლი ქართულ მემკვიდრეობაზე ამახვილებს ყურადღებას და თავისუფლების სადღეგრძელოსაც კი წარმოთქვამს:

"დღევანდელი დუდლით საქართველოს დამოუკიდებლობის დღეს ვზეიმობთ. სწორედ ამ დღეს, 1918 წელს საქართველოს დემოკრატიული რესპუბლიკის შესაქმნელად ერმა დამოუკიდებლობა გამოაცხადა.

დამოუკიდებლობის დღის აღნიშვნა დედაქალაქ თბილისში საქართველოს ოფიციალური პირების სიტყვით გამოსვლითა და ფიცის დადებით იწყება. ქართველები კონცერტებს, აღლუმებსა და გამოფენებს ესწრებიან, რომლებიც საქართველოს წარმატებისა და პროგრესის აღნიშვნას ემსახურება. დღის განმავლობაში დუდლზე გამოსახული დროშებია აღმართული შენობებზე და ჯარისკაცები დროშებით სამხედრო აღლუმში მონაწილეობენ.

მთელ ქვეყანაში ადამიანები ტრადიციულ ნადიმს, "სუფრას" მართავენ. თითოეულ "სუფრას" თამადა ხელმძღვანელობს. საჭმლისთვის მისაყოლებლად ჭიქები, ვერძის რქა ან ფაიფურის სასმისები მუდმივად სავსეა — იმ სიკეთისა და სტუმართმოყვარეობის ნიშნად, რომლითაც საქართველო ასე ცნობილია.

აღმართეთ თქვენი ყანწები და გაუმარჯოს საქართველოს დამოუკიდებლობის დღეს".

აღსანიშნავია, რომ გუგლის დუდლები ხშირად მცირედით იცვლება. მაგალითად, შარშან საქართველოს დროშა ფერადი ღრუბლების ფონზე იყო გამოსახული, წელს კი ღრუბლები ქათქათა თეთრია.

ამოუკიდებლობის დღის მისალოცი დუდლი 2021 წელს.

ფოტო: Google