დიდი ბრიტანეთის დაზვერვის ინფორმაციით, "სპეციალური სამხედრო ოპერაციით" რუსეთმა პირველ სამ თვეში, სავარაუდოდ, განიცადა დანაკარგის მსგავსი რაოდენობა, რაც საბჭოთა კავშირმა ავღანეთში ცხრაწლიანი ომის დროს. მათივე თქმით, რუსეთის საზოგადოებამ წარსულში დაამტკიცა, რომ ომისგან გამოწვეული მსხვერპლის მიმართ მგრძნობიარეა.

"თავისი "სპეციალური სამხედრო ოპერაციის" პირველ სამ თვეში რუსეთმა, სავარაუდოდ, განიცადა დანაკარგის მსგავსი რაოდენობა, რაც საბჭოთა კავშირმა ავღანეთში ცხრაწლიანი ომის დროს.

რუსეთის საზოგადოებამ წარსულში დაამტკიცა, რომ ომისგან გამოწვეული მსხვერპლის მიმართ მგრძნობიარეა. უკრაინაში მსხვერპლის ზრდასთან ერთად კი ეს ფაქტი უფრო აშკარა ხდება და შეიძლება საზოგადოებრივი უკმაყოფილებაც გაიზარდოს", — აცხადებს ბრიტანეთის დაზვერვა.

დაზვერვის განცხადებით, დანაკარგების ასეთი მაღალ მაჩვენებელი, რომელიც დონბასის შეტევის დროს იზრდება, "რუსეთის არმიის ცუდმა ტაქტიკურმა კომბინაციებმა, შეზღუდულმა საჰაერო დაცვამ, მოქნილობისა და გუნდური მიდგომის ნაკლებობამ გამოიწვია".

უკრაინის შეიარაღებული ძალების გენერალური შტაბის განცხადებით, ომის დაწყებიდან დღემდე, დაახლოებით, 29 200 რუსი ჯარისკაცი დაიღუპა, დაიჭრა ან ტყვედ ჩავარდა.