16 მაისს გამართული Billboard-ის მუსიკალური დაჯილდოების მთავარი განხილვის საგანი უჩვეულო მოვლენა გახდა: კარა დელევინის გამოჩენა.

კარა დელევინს მთელ მსოფლიოში კარგად იცნობენ, როგორც მოდელსა და მსახიობს, თუმცა ვეჭვობთ, მალე მის სტატუსებს ყველაზე უხერხული სიტუაციების შემქმნელის წოდებაც შეემატება.

ამ 29 წლის ინგლისელი ვარსკვლავის გამოჩენა გავლენიან დაჯილდოებებსა და ღონისძიებებზე არავის უკვირს, თუმცა ამჯერად მისმა ქმედებებმა სოციალური ქსელების მომხმარებლების დიდი ნაწილი შოკში ჩააგდო.

მაინც რა მიქარა ასეთი?! მოდი, თავიდან მივყვეთ მოვლენებს და გაფრთხილებთ, შეიძლება გაოგნებისგან თქვენც ღია დაგრჩეთ პირი.

თითქოს ოსკარებზე უილ სმიტის ქცევა არ გვეყოფოდა...

ფოტო: Giphy

ამერიკელი რეპერი მეგან თი სტალიონი (Megan Thee Stallion) ბილბორდის დაჯილდოებაზე კარა დელევინთან ერთად გამოჩნდა და ბევრმა იფიქრა, რომ ისინი მეგობრობენ(?).

თავიდან ასეც ჩანდა, როცა ფოტოგრაფების წინ პოზიორობისას კარა მეგანს დაეხმარა, რომ სრულყოფილად გამოჩენილიყო, თუმცა... ამაშიც ჩანდა გადაჭარბებული მონდომება.

ბევრს ისიც აინტერესებს, რატომ უყურებდა კარა გვერდიდან მეგანს ასე უცნაურად:

და ეს მხოლოდ დასაწყისია...

კარამ თავისი ჰიპერაქტიურობა დაჯილდოების მიმდინარეობისასაც გააგრძელა. მაგალითად, ამ ვიდეოში ჩანს, როგორ იჭრება ის მეგანისა და Doja Cat-ის დიალოგში:

ეს კიდევ კარას რეაქცია, როცა მეგან თი სტალიონმა ნომინაციაში გაიმარჯვა:

შემდეგ იატაკზეც გაწვა, რომ Fat Joe-სთვის, Doja Cat-ისთვისა და DJ Khaled-ისთვის ფოტო გადაეღო:

ესეც მისი გადაღებული ფოტო:

ყველაფერი იმდენად უცნაური იყო, რომ ცხადია, სოციალურ ქსელებში ერთმანეთის მიყოლებით უამრავი მიმი გაჩნდა:

"მეგან თი სტალიონი ცდილობს, რომ კარას დაემალოს"

არავინ:
მეგან თი სტალიონი: *იხედება საწოლის ქვეშ*
კარა დელევინი:

"კარა დელევინის ქცევამ იმდენად გადაწონა ყველა სამარცხვინო რამ, რაც კი ოდესმე მომსვლია, რომ მგონი, მან ჩემი შფოთვებიც განკურნა"

ხუმრობებთან ერთად კარა დელევინისთვის არც კრიტიკა დაუკლიათ: ბევრის აზრით, მისი ქცევების გამო მეგანი აშკარად უხერხულად გრძნობდა თავს.

ინტერნეტში ასევე ამოქექეს ვიდეო, რომელიც წლევანდელ მეთ გალას წვეულებაზეა გადაღებული და მასში ჩანს, რომ კარა მეგანის კოცნას ცდილობს, რეპერი კი მას მხრებზე ხელების დაწყობით იშორებს.

გაიხსენეს გასული წელს მომხდარი შემთხვევაც, როცა კარა დელევინმა აზელია ბენკს სიმღერაში ხელი შეუშალა:

უკომენტაროდ...

მოკლედ, თუ ძილის წინ იმ უხერხულ მომენტებზე ფიქრობთ, რაც კი ოდესმე გადახდენიათ თავს, კარა დელევინის ამ ვიდეოებს უყურეთ და მაშინვე მოგეშვებათ.