"გიორგი კვირიკაშვილმა თავის გონორს მიხედოს, ფულით ნაყიდი რომ იყო და ახალი მემარჯვენეების ფრაქციაში იჯდა. მას საერთოდ არაფერი აქვს სალაპარაკო" - ეს განცხადება რუსთავი 2-ის გენერალურმა დირექტორმა, ნიკა გვარამიამ პრემიერმინსიტრის კომენტარზე გააკეთა, რომელშიც კვირიკაშვილმა აღნიშნა, რომ არ აქვს პრობლემა თუ რუსთავი 2 დარჩება ისეთად, როგორიც არის, მიუხედავად იმისა, რომ გვარამია არა მხოლოდ სასამართლოს, არამედ პრემიერსაც აყენებს შეურაცხყოფას.

გვარამიას აზრით, სამარცხვინოა, როდესაც იუსტიციის მინისტრი, რომელიც ასეთ პროცესებს მართავს, იმასაც კი ვერ უწევს კონტროლს, რას ფიქრობს და ამბობს პრემიერმინისტრი:

"უკაცრავად და ახატია იუსტიციის მინისტრს, რას ფიქრობს მისი პრემიერი და სასამართლო პროცესებს მართავს თვითონ. კვირიკაშვილმა, რომელიც ნამდვილად ზიანდება ყველაფერ ამისგან, საკუთარი გონორი გააკონტროლოს, არაფერს რომ არ წარმოადგენს ამ ქვეყანაში და მის სიტყვას რომ ჩირის ფასი აქვს, თან რაიმე კარგი ხილის ჩირის კი არა - ტყემლის. აი ამ გონორს მოუაროს კვირიკაშვილმა, რომელიც არარაობაა პოლიტიკური თვალსაზრისით და ბიძინა ივანიშვილის ჩრდილიც კი არ არის. წულუკიანია დღეს პრემიერმინისტრი და არა კვირიკაშვილი".

გიორგი კვირიკაშვილმა დღეს, 31 მაისს, განაცხადა, რომ მას ადამიანური წყენა აქვს რუსთავი 2-ის მუშაობასთან და მის გენერალურ დირექტორთან, თუმცა სურს რომ ის ძველი შემადგენლობით იხილოს, რათა "ვინმეს სპეკულაციის საფუძველი არ გაუჩნდეს".