სამშაბათს SoFi-ის აქციების ფასი მკვეთრად დაეცა. ვარდნა მას შემდეგ შეჩერდა, რაც ფინტექ-კომპანიამ პირველი კვარტლის მონაცემები წინასწარ გამოაქვეყნა.

SoFi-ის კვარტალური ანგარიში სამშაბათის ვაჭრობის დახურვის შემდეგ უნდა გამოექვეყნებინა, თუმცა, როგორც კომპანიაში ამბობენ ის უფრო ადრე გამოქვეყნდა. SoFi-ში ამის მიზეზად ადამიანურ შეცდომას ასახელებენ.

სამშაბათს 11:19-საათის მონაცემებით, კომპანიის აქციების 18%-იანი ვარდნა ფიქსირდებოდა. მას შემდეგ, რაც ვაჭრობა განახლდა, ზარალის მოცულობა 12%-მდე შემცირდა.

რაც შეეხება SoFi-ის ანგარიშს, ფინანსური მაჩვენებლების მიხედვით, მიმდინარე წლის პირველ კვარტალში კომპანიის ერთ აქციაზე ზარალმა 14 ცენტი შეადგინა. ნავარაუდევი მაჩვენებელი 15 ცენტი იყო.

ამასთან, პირველ კვარტალში კომპანიამ $322 მილიონი დოლარის შემოსავალი მიიღო, რაც $36 მილიონით აღემატება პროგნოზირებულ მაჩვენებელს. თუმცა, უნდა აღინიშნოს, რომ მეორე კვარტლის შემოსავლის პროგნოზი $10 მილიონით, $330 მილიონამდე არის შემცირებული.

აქციების ვარდნის შედეგად, კომპანიის საბაზრო კაპიტალიზაციამ $4 მილიარდი შეადგინა. მიმდინარე წელს კომპანიის აქციები 70%-ით შემცირდა.

SoFi არ არის ერთადერთი ფინტექ აცია, რომელმაც ბოლო პერიოდში დარტყმა განიცადა. სამშაბათს სრული წლის პროგნოზის გამოქვეყნების შემდეგ Upstart-ის აქციები ფასი 50%-ით შემცირდა. გარდა ამისა, PayPal-ის აქციების ფასი წელს განახევრდა მას შემდე, რაც კომპანიამ თებერვალში მოგების სუსტი მონაცემი აჩვენა.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.