ექსპრეზიდენტი მიხეილ სააკაშვილის თქმით, ვინაიდან მისი ჯანმრთელობის მდგომარეობა უკიდურესად დასუსტებულია და შეუთავსებელი სასიცოცხლო მაჩვენებლებთან, გადაუდებელი სამედიცინო მომსახურებისა და მკურნალობისათვის ვივამედში გადავა შემდეგი პირობებით:

  • ოჯახის წევრებს, პირად ექიმს, ნიკა ყიფშიძესა და ალტერნატიული კომისიის წევრებს ცენტრ ემპათიადან ჰქონდეთ მუდმივი დაშვება;
  • სამუშაო საათებში კანონით განსაზღვრულ პირებს, ადვოკატებსა და პარლამენტის წევრებს ჰქონდეთ დაშვება;
  • ყოველ გამოკვლევაში, დიაგნოსტიკაში, დანიშნულების დადგენასა და მკურნალობის შემდეგი ეტაპების, გამოჯანმრთელების განსაზღვრა პარიტეტულ საფუძველზე შექმნილი შემადგენლობით, ცენტრი ემპათიის ჩართულობითა და მათი თანხმობის შემთხვევაში სახალხო დამცველის კონსილიუმის წევრების მონაწილეობით მოხდეს;

სააკაშვილის განცხადებით, ამ საკითხებზე პასუხის მიღებისთანავე მზადაა დაუყოვნებლივ გადავიდეს კლინიკაში.

იუსტიციის მინისტრმა, რატი ბრეგაძემ განაცხადა, მიხეილ სააკაშვილს, შესაძლო გართულებების თავიდან არიდების მიზნით, შესთავაზებდენნ, რომ გადაიყვანონ კლინიკა ვივამედში, სადაც მას გამოკვლევებს ჩაუტარებენ.