მზის ცრემლები 2003 წელს გადაღებული ამერიკული ფილმია, რომელშიც მთავარ როლებს მონიკა ბელუჩი და ბრიუს უილისი ასრულებენ.

სიუჟეტის მიხედვით, განსაკუთრებული სირთულის სპეცოპერაციების რაზმი, სპეციალური მისიით, ჯუნგლებში გააგზავნეს. მათი მისია ტყვედ ჩავარდნილი ექიმის მოძებნა და განთავისუფლებაა. თუმცა სიტუაცია მას შემდეგ რთულდება, რაც ქალი ჯუნგლების დატოვებაზე უარს ამბობს და სპეცრაზმს სამოცდაათამდე ლტოლვილის ტერიტორიიდან გაყვანას მოსთხოვს.

გადაღებები რამდენიმე თვის განმავლობაში მიმდინარეობდა, გადასაღები მოედანი კი ნამდვილ ბრძოლის ველად იყო გადაქცეული, ამის მიზეზი კი ორივე მსახიობის არც თუ ისე რბილი ხასიათი გახდა.

ფილმის დიდი ნაწილი ნიგერიაში გადაიღეს და როგორც ამბობენ, გადაღებების დროს მონიკა ბელუჩი და ბრიუს უილისი ხშირად ჩხუბობდნენ, ამის მიზეზი კი უილისის ხშირი დაგვიანება იყო.

როგორც გადამღები ჯგუფის წევრები იხსენებენ, მონიკას ლოდინი რამდენიმე საათი უწევდა, ვიდრე ბრიუსი გართობისგან გამოწვეულ დაქანცულობას მოიხსნიდა და სამუშაოდ გამოცხადებას ინებებდა.

დაპირისპირებაზე ცნობებს ამყარებდა ისიც, რომ მსახიობები ერთად მხოლოდ ორ ქვეყანაში იმყოფებოდნენ ფილმის პრემიერაზე, ისიც ხშირად ერთმანეთთან დისტანცირებულად და მხოლოდ ფოტოგრაფების დასანახად იღიმოდნენ.

კვირას, 7 მაისს, 16:30 საათზე სწორედ "მზის ცრემლები" შეგიძლიათ იხილოთ ტელეკომპანია GDS-ზე.