თბილისის საქალაქო სასამართლოს ყოფილი თავმჯდომარე, მამუკა ახვლედიანი ამბობს, რომ მოსამართლეები განსახილველი საქმეების მისაღებ გადაწყვეტილებებს თავმჯდომარეებთან ათანხმებდნენ. ამის შესახებ ახვლედიანმა რუსთავი 2-ის ეთერში განაცხადა.

"ეს სიები დამხვდა, რომელი მოსამართლე რა დროს უნდა შემოსულიყო და შეეთანხმებინა, რაზედაც პირველივე დღეს დასრულდა. არ ყოფილა ჩემთან ეს პრაქტიკაში," - განაცხადა ახვლედიანმა.

მამუკა ახვლედიანი თბილისის საქალაქო სასამართლოს თავმჯდომარეობიდან იუსტიციის უმაღლესმა საბჭომ დაახლოებით ერთი წლის წინ გადააყენა. ახვლედიანი თანამდებობაზე ყოფნის დროს სისტემაში არსებულ პრობლემებზე საუბრობდა.