ბოლო პერიოდში ჰოლივუდში ჯონი დეპი და ამბერ ჰერდი ყველაზე განხილვადი ვარსკვლავები არიან, რაც გასაკვირი სულაც არაა — დეპი თავის ყოფილ ცოლს 2018 წელს გამოქვეყნებული ოპ-ედის გამო, სადაც ჰერდი ოჯახში ძალადობის გამოცდილებაზე წერს, ცილისწამებისთვის უჩივის. სასამართლო დარბაზში განხილულ ისტორიებს კი მთელი მსოფლიო ისმენს.

სასამართლო დავის პარალელურად ჯონი დეპის ფანები ამბერ ჰერდის Aquaman-დან გათავისუფლებას ითხოვენ. ამ მიზნით ფანებმა პეტიცია ჯერ კიდევ 2020 წელს შეადგინეს, თუმცა სასამართლო განხილვის დაწყების შემდეგ პეტიცია უფრო პოპულარული გახდა და ამ დროისთვის მას 3 მილიონზე მეტი ადამიანი აწერს ხელს.

პეტიცია ამბერ ჰერდს ოჯახში ძალადობაში სდებს ბრალს. პეტიციაში ვკითხულობთ, რომ ფიზიკური ძალადობის გარდა, ამბერ ჰერდი ჯონი დეპს ძალადობაშიც ადანაშაულებს და ამით მისი კარიერის დანგრევას ცდილობს. პეტიცია Warner Bros-სა და DC Entertainment-ს სთხოვს, Aquaman-ის ახალ ფილმში ამბერი არ ათამაშონ.

აღსანიშნავია, რომ ჯონი დეპმა სასამართლოში ჩვენების მიცემა დაასრულა და მალე საზოგადოება ამბერ ჰერდის ჩვენებას მოისმენს.

ამავე თემაზე:

ძალადობა, მოჭრილი თითი, დასვრილი ზეწრები — რა თქვა ჯონი დეპმა სასამართლოზე ამბერ ჰერდის წინააღმდეგ