ეროვნული გვარდიის ჯარისკაცები, რომლებიც რუსი დამპყრობლების მიერ ბლოკირებული არიან აზოვსტალის ქარხანაში, მთავრობასა და საერთაშორისო პარტნიორებს გარნიზონის სრულ ევაკუაციას სთხოვენ. სამხედროების თქმით, აზოვსტალში ჰუმანიტარულმა მდგომარეობამ კატასტროფული სახე მიიღო.

"მოვუწოდებთ ქვეყნის უმაღლეს სამხედრო-პოლიტიკურ ხელმძღვანელობას და საერთაშორისო თანამეგობრობას, ყველაფერი გააკეთონ ქარხნის ტერიტორიაზე დარჩენილი მშვიდობიანი მოსახლეობის, დაჭრილი სამხედროების და დაღუპულთა ცხედრების ევაკუაციისთვის.

სამხედროების სიცოცხლეზე პასუხისმგებლობის გამო, მოგიწოდებთ შეასრულოთ მთელი სამხედრო გარნიზონის ევაკუაცია, რადგან ისინი ამად ღირან", — ციტირებს უკრაინსკა პრავდა სამხედროების განცხადებას.

30 აპრილს აზოვსტარლიდან მოსახლეობის ევაკუაცია დაიწყო. უკრაინის პრეზიდენტის, ვოლოდიმირ ზელენსკის განცხადებით, ტერიტორიიდან გაიყვანეს 100-მდე ადამიანი, თუმცა ქარხანაში კვლავ რჩებიან მშვიდობიანი მოქალაქეები და სამხედროები.

სამხედროები დანებებასა და იარაღის დაყრას არ აპირებენ. 20 აპრილს მარიუპოლის მცველებმა მსოფლიოს მოუწოდეს, აზოვსტალიდან გაიყვანონ მესამე ქვეყანაში ყველა, ვინც სამხედრო გარნიზონშია.

30 აპრილს კი მარიუპოლის მცველების მეთაურიმა თურქეთის პრეზიდენტ რეჯეფ თაიფ ერდოღანს ალყაში მყოფი აზოვსტალიდან მებრძოლებისა და სამოქალაქო პირების გაყვანა სთხოვა.