ფინანსთა სამინისტროს შემოსავლების სამსახურის ინფორმაციით, 24-30 აპრილის პერიოდში საგადასახადო სამართალდარღვევის 805 ფაქტი გამოვლინდა. სამართალდარღვევის შემთხვევები უწყების საგადასახადო მონიტორინგის დეპარტამენტის თანამშრომლებმა აღმოაჩინეს.

უწყების ინფორმაციით, სულ 7 945 გადამხდელი შემოწმდა, საიდანაც საქონლის სასაქონლო ზედნადების გარეშე ტრანსპორტირების 72 შემთხვევა გამოვლინდა; ეკონომიკური საქმიანობის გადასახადის გადამხდელად საქართველოს კანონმდებლობით დადგენილი წესის დარღვევით განხორციელების - 60 და მომხმარებელთან ნაღდი ფულით ანგარიშსწორებისას საკონტროლო-სალარო აპარატის გამოუყენებლობის 673 შემთხვევა.