რუსეთში, უკრაინის მოსაზღვრე კურსკის ოლქში სარკინიგზო ხიდი ჩაინგრა. ინფორმაციას ოლქის გუბერნატორი რომან სტაროვიჩი აქვეყნებს. მისი განცხადებით, ეს დივერსია იყო.

"დღეს დივერსია მოხდა. ხიდზე ამ დროისთვის საგამოძიებო ჯგუფი მუშაობს, თუმცა რკინიგზის სპეციალისტები ადგილზე უკვე გაემგზავრნენ და მზად არიან აღდგენითი სამუშაოების დასაწყებად", — წერს ის.

როგორც ის ტელეგრამზე წერს, სუჯა-სოსნოვი ბორის მონაკვეთზე, ჩამოინგრა ხიდის ნაწილი, რომელიც სატრანსპორტო ფუნქციას ასრულებდა. გუბერნატორის ინფორმაციით, ინციდენტს მსხვერპლი არ მოჰყოლია.

დრეს, პირველ მაისს უკრაინის საზღვართან ახლოს, რუსეთში, ბელგოროდის ოლქში თავდაცვის სამინისტროს ობიექტზე ხანძარი გაჩნდა. ინფორმაცია ოლქის გუბერნატორმა, ვიაჩესლავ გლადკომ დაადასტურა.

რუსეთში, უკრაინის საზღვართან ახლოს ხანძარი პირველ აპრილსაც გაჩნდა. მაშინ საწვავის საცავი იწვოდა.