29 აპრილიდან სანქციების გამო კომპანია ბორჯომი ორივე ქარხანაში წარმოებას დროებით აჩერებს. ამის შესახებ IDS ბორჯომი საქართველოს მიერ გავრცელებულ განცხადებაშია აღნიშნული.

"გაცნობებთ, რომ უკრაინაში საომარი მოქმედებების დაწყების დღიდან კომპანია IDS ბორჯომი საქართველო მძიმე ვითარებაში აღმოჩნდა. კომპანიის პროდუქციის რეალიზაციის ძირითად ბაზრებზე შექმნილ რთულ ვითარებას დაემატა საბანკო ანგარიშებზე შეზღუდული წვდომა, რამაც კომპანიას ჩაუკეტა სავალუტო შემოსავლების მიღებისა და კრედიტორებთან ანგარიშსწორების შესაძლებლობა", — აღნიშნულია განცხადებაში.

ბორჯომში აცხადებენ, რომ კომპანია დღემდე "სიტუაციის არსებითი გამოსწორების იმედით" აგრძელებდა ფუნქციონირებას, რაც ამ დრომდე ვერ მოხერხდა.