დიდი ბრიტანეთის დაზვერვის ინფორმაციით, კრეისერი "მოსკოვის" და სადესანტო გემის "სარატოვის" დანაკარგის მიუხედავად, რუსეთის შავი ზღვის ფლოტი ინარჩუნებს უკრაინაზე თავდასხმის შესაძლებლობას. დაზვერვის განცხადებით, რუსეთის საზღვაო ძალების დაახლოებით 20 ხომალდი ამჟამად შავი ზღვის საოპერაციო ზონაში იმყოფება, მათ შორის წყალქვეშა ნავები.

უწყების თქმით, ბოსფორის სრუტე რჩება დაკეტილი ყველა არათურქული ხომალდისთვის, შესაბამისად რუსეთს არ შეუძლია შეცვალოს ჩაძირული ხომალდი "მოსკოვი" შავ ზღვაში.