2023 წელი კინოსამყაროსთვის დატვირთული და საინტერესო იქნება. ამ წელს დაგეგმილ პრემიერებს შორის არის: Indiana Jones 5, Dune-ის მეორე ნაწილი, Mission Impossible-7, John Wick: Chapter 4, Guardians of the Galaxy, Aquaman, თუმცა წლის ერთ-ერთი მთავარი კინომოვლენა კრისტოფერ ნოლანის ეკრანებზე დაბრუნება იქნება.

ოსკაროსანი რეჟისორი კინოთეატრებში 2023 წლის 21 ივლისს დაბრუნდება ოპენჰაიმერით, რომელიც თეორიტიკოს-ფიზიკოსისა და "ატომური ბომბის მამის" სახელით ცნობილ ჯ. რობერტ ოპენჰაიმერის ცხოვრებაზე მოგვითხრობს. რობერტ ოპენჰაიმერი 1939-1945 წლებში ხელმძღვანელობდა ატომური ბომბის შექმნასთან დაკავშირებულ სამუშაოებს და შემდგომში მის გამოცდას. ატომური ბომბი პირველად ნიუ-მექსიკოში გამოსცადეს 1945 წლის ივლისში.

1. ნოლანს აქამდე ბიოგრაფიული დრამა არასდროს გადაუღია

მიუხედავად ამისა, არ უნდა ველოდოთ, რომ ნოლანი ბიოგრაფიული ფილმისთვის ტრადიციულ გზას აირჩევს.

2. ფილმის ხანგრძლივობა 2 საათი და 30 წუთია

ეს ნოლანის მე-12 ფილმი იქნება.

3. ეს იქნება ნოლანის პირველი შავ-თეთრი ფილმი, რომლის გარკვეული სცენები გადაღებული იქნება IMAX ფორმატის ანალოგ ფირით, თუმცა სურათი არ იქნება მთლიანად შავ-თეთრი

4. ფილმი ვარსკვლავებით დახუნძლულია

კილიან მერფი, მეთ დეიმონი, ემილი ბლანტი, რობერტ დაუნი უმცროსი, რამი მალეკი, ჯეისონ კლარკი, ჯოშ ჰარტნეტი, ოლივია თრილბი და ა.შ ასევე ვიხილავთ გარი ოლდმანის კამეოსაც.

სურათს კრიტიკოსები და გულშემატკივრები დიდ წარმატებას უწინასწარმეტყველებენ ნამდვილ ამბავზე დაფუძნებული სიუჟეტისა და ვარსკვლავური შემადგენლობის გამო.

5. სიუჟეტი ბიოგრაფიულ წიგნზეა დაფუძნებული

ფოტო: CORBIS

ფილმის ძირითადი ნაწილი ინსპირირებულია კაი ბერდისა და მარტინ ჯ. შერვინის წიგნით: ამერიკელი პრომეთე: ჯ. რობერტ ოპენჰაიმერის ტრიუმფი და ტრაგედია. წიგნს პულიცერის პრემია აქვს მოგებული. ის ოპენჰაიმერის მთელ ცხოვრებაზე მოგვითხოვს, დაწყებული ნიუ-იორკში გატარებული ბავშვობით, გაგრძელებული ჰარვარდისა და კემბრიჯის წლებით და დასრულებული ხორხის კიბოთი გარდაცვალებით.

კრისტოფერ ნოლანის ბოლო ფილმი ტენეტი იყო, რომელიც 2020 წელს გამოვიდა.