მარიუპოლის საკრებულოს განცხადებით, აზოვსტალში სულ მცირე 2 000 მშვიდობიანი მოქალაქეა — ქალები, ბავშვები და მოხუცები. მათი თქმით, ბევრი დაჭრილია ანტისანიტარიაში, წამლების გარეშე. მათი თქმით, აზოვსტალი 24 საათის განმავლობაში რუსული არმიის ცეცხლის ქვეშაა.

"ბევრი დაჭრილია. ანტისანიტარიაში და საშინელ პირობებში. წამლების გარეშე. კატასტროფული მდგომარეობაა სასმელ წყალთან და საკვებთან დაკავშირებით", — წერს მარიუპოლის საკრებულო ტელეგრამ არხზე.

ფოტოებს აზოვსტალიდან საკრებულო აქვეყნებს.

ფოტო: მარიუპოლის საკრებულო

ფოტო: მარიუპოლის საკრებულო

გუშინ, 26 აპრილს გაერთიანებული ერების ორგანიზაციამ გააკეთა განცხადებამ, რომ რუსეთი მარიუპოლში აზოვსტალის ქარხნიდან მშვიდობიანი მოსახლეობის ევაკუაციაში გაეროსა და წითელი ჯვრის საერთაშორისო კომიტეტის ჩართვას დასთანხმდა.

20 აპრილს აზოვმა მსოფლიოს მოუწოდა, რომ მესამე სახელმწიფოს ტერიტორიაზე ევაკუაციაში დაეხმარონ. ამავე დღეს ცნობილი გახდა, რომ უკრაინის დელეგაციის წარმომადგენლები, დავით არახამია და მიხაილო პოდოლიაკი მზად არიან, ჩავიდნენ მარიუპოლში, რათა რუსულ მხარესთან სამხედროების ევაკუაციის საკითხი განიხილონ. ზელენსკიმ კი განაცხადა, რომ მზად არის სამხედრო ტყვეები მარიუპოლის მაცხოვრებლებისთვის გაცვალოს.

21 აპრილს სერგეი შოიგუმ ვლადიმერ პუტინს უთხრა, თითქოს მარიუპოლი აიღეს და მხოლოდ აზოვსტალის ინდუსტრიული ზონის შტურმიღა დარჩათ, რისთვისაც 3-4 დღე სჭირდებათ. პუტინმა ეს გეგმა დაიწუნა და ბლოკადის გაგრძელება უბრძანა. პუტინის ბრძანებას გამოეხმაურა მარიუპოლის მერის მრჩეველი და განაცხადა, რომ ეს ბლოკადაში მყოფი ხალხისთვის არაფერს ცვლის.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში