შსს-ს ინფორმაციით, ოპერატიული-სამძებრო სამუშაოების შედეგად, 1993 წელს დაბადებული მოქალაქე ცეცხლსასროლი იარაღის, საბრძოლო მასალის, ნარკოტიკებისა და ფსიქოაქტიური ნივთიერებების უკანონო შეძენა-შენახვის ბრალდებით დააკავეს.

დაკავებულის ბინის ჩხრეკისას სამართალდამცველებმა 2 AKMS-ის და 1 AKM-ის მოდელის არარეგისტრირებული ავტომატური ცეცხლსასროლი იარაღი, ნაგანის სისტემის 2 რევოლვერი, ასევე 3 სხვადასხვა ტიპის პისტოლეტი, 282 საბრძოლო ვაზნა და 4 მასრა ამოიღეს. ამავე ბინაში სამართალდამცავებმა 1,37 გრამი გამომშრალი მარიხუანა და 0,0635 გრამი ახალი ფსიქოაქტიური ნივთიერების შემცველი კოკაინი იპოვეს.

გამოძიება სისხლის სამართლის კოდექსის 236-ე მუხლის მეორე ნაწილით და 260-ე მუხლის პირველი და მეორე ნაწილებით მიმდინარეობს. 236-ე მუხლის მეორე ნაწილი სასჯელად ჯარიმას, ან თავისუფლების აღკვეთას სამიდან ხუთ წლამდე, ხოლო 260-ე მუხლის პირველი ნაწილი გამასწორებელი სამუშაოთი თავისუფლების აღკვეთას ორ წლამდე, ან თავისუფლების აღკვეთას 3 წლამდე ითვალისწინებს. ამავე მუხლის მეორე ნაწილი კი ისჯება ჯარიმით ან გამასწორებელი სამუშაოთი ერთ წლამდე.