ავღანეთში, ქალაქ ყუნდუზში მდებარე მეჩეთში აფეთქება მოხდა. BBC ადგილობრივ ოფიციალურ პირებზე დაყრდნობით წერს, რომ შემთხვევის შედეგად 33 ადამიანი დაიღუპა, ხოლო 43 დაშავდა.

მანამდე, ხუთშაბათს ავღანეთში 4 თავდასხმა იყო — ყველა მათგანზე პასუხისმგებლობა ისლამურმა სახელმწიფომ აიღო. მედიის განცხადებით, მიუხედავად იმისა, რომ თალიბები ISIS დაამარცხებაზე საუბრობენ, დაჯგუფება ახალი მმართველებისთვის მთავარ გამოწვევად მაინც რჩება.

ამ დროისთვის ყუნდუზში მომხდარი აფეთქებისთვის პასუხისმგებლობა არც ერთ დაჯგუფებას არ აუღია.