გერმანიის კანცლერის, ოლაფ შოლცის განცხადებით, მთავარი პრიორიტეტი NATO-სა და რუსეთის სამხედრო დაპირისპირების თავიდან არიდებაა. ამის შესახებ კანცლერმა Der Spiegel-თან ინტერვიუში ისაუბრა, როდესაც გერმანიის მიერ უკრაინისთვის მძიმე იარაღის მიწოდების შესახებ ჰკითხეს.

"მნიშვნელოვანია, რომ თითოეული ნაბიჯი ძალიან ფრთხილად განვიხილოთ და ერთმანეთთან მჭიდროდ ვითანამშრომლოთ. ჩემთვის მთავარი პრიორიტეტი NATO-სთვის ესკალაციის თავის არიდებაა", — ამბობს ის.

შოლცის თმით, ყურადღებას არ აქცევს რეიტინგებს და გამოკითხვას, რადგან მისი აზრით, "შეცდომას დრამატული შედეგები მოჰყვება".

როგორც Reuter-ს წერს, ამ კომენტარით შოლცმა საკუთარი პოზიცია შეცვალა. გამოცემის ინფორმაციით, მანამდე იგი აცხადებდა, რომ გერმანია უკრაინას მძიმე სამხედრო იარაღს ვერ მიაწვდიდა, რადგან საკუთარი სამხედრო მარაგი ამოწურული ჰქონდა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში