უკრაინის პრეზიდენტის ვოლოდიმირ ზელენსკის თანაპარტიელისა და მისი ნდობით აღჭურვილი პირის, დავით არახამიას განცხადებით, უკრაინა მიხეილ სააკაშვილის გადაცემას კვლავ ითხოვს.

"მიხეილ სააკაშვილთან დაკავშირებული მდგომარეობა დაიწყო ჯერ კიდევ ომამდე. ჩვენ თავიდანვე ძალიან აშკარად და მკაფიოდ გამოვხატავდით ჩვენს პოზიციას. ეს არის ჩვენი მოქალაქე, ჩვენი მაღალი თანამდებობის პირი. საერთაშორისო სამართლის პირობებში არსებობს ძალიან ლოგიკური, ნათელი, მკაფიოდ გაწერილი მექანიზმი იმსა, თუ როგორ უნდა გადმოეცათ ეს ადამიანი ჩვენთვის, მაგრამ დღეს ვხედავთ, რომ საქართველოს ხელისუფლება მხარს უბამს რუსეთის ხელისუფლებას, ანუ ვიღაც ცდილობს თავი მოაწონოს პუტინს. ასე მგონია. ვხედავ, რომ ეს ქმედებები სისტემური ხასიათისაა და არა ერთჯერადი.

[...]ჩვენ კვლავაც ვითხოვთ მიხეილ სააკაშვილის გადაცემას უკრაინისთვის. ისევ ყრუ კედელს ვაწყდებით. გვესმის, რომ მიხეილ სააკაშვილის გადაცემა-არგადაცემის საკითხი წყდება კრემლში და არა საქართველოში. საქართველო ამ შემთხვევაში არის უბრალოდ ამბის მომტანი ჩვენთვის", — აცხადებს არახამია მთავარი არხის ეთერში. [მთავარი არხის თარგმანი]

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში