უკრაინის შეიარაღებული ძალების საჰაერო სარდლობა პარტნიორი ქვეყნებისგან საბრძოლო თვითმფრინავების გადაცემას უარყოფს და აცხადებს, რომ მხოლოდ მათი ნაწილები მიიღეს. ამის შესახებ ინფორმაციას European Pravda ავრცელებს.

"უკრაინას პარტნიორებისგან ახალი თვითმფრინავები არ მიუღია. აშშ-ის მთავრობის დახმარებით, უკრაინის შეიარაღებულმა ძალებმა სათადარიგო ნაწილები და საჰაერო ფლოტის თვითმფრინავების შესაკეთებლად კომპონენტები მიიღეს, რაც მეტი ტექნიკის გამოყენების საშუალებას მოგვცემს", — აღნიშნულია განცხადებაში.

გუშინ 19 აპრილს პენტაგონის პრესსპიკერმა, ჯონ კირბიმ განაცხადა, რომ უკრაინამ ქვეყნებისგან დახმარების სახით დამატებითი საბრძოლო თვითმფრინავები და მათი ნაწილები მიიღო. მის კომენტარს CNN ავრცელებდა და აღნიშნავს, რომ ამ ქვეყნებში აშშ არ შედის.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში