როგორც სახელმწიფო დეპარტამენტის მდივანმა, ენტონი ბლინკენმა ევროპელ კოლეგებს განუცხადა, აშშ-ს სჯერა, რომ რუსეთის ომი უკრაინაში, შესაძლოა, 2022 წლის ბოლომდე გაგრძელდეს. ინფორმაცია CNN-ს ორმა წყარომ მიაწოდა.

გამოცემის განცხადებით, რამდენიმე ოფიციალური წყარო ამბობს იმასაც, რომ ომის მიმდინარეობასთან დაკავშირებით წინასწარი პროგნოზის გაკეთება რთულია. მათი ნაწილის თქმითვე, არ არის ნიშნები, რომ რუსეთის პრეზიდენტმა, ვლადიმერ პუტინმა თავისი მთავარი მიზნები შეცვალა, შესაბამისად, ნაკლებად სავარაუდოა, დიპლომატიურ მოლაპარაკებებს გაჰყვეს, მანამ, სანამ სამხედრო მარცხს არ განიცდის.

გამოცემის ცნობით, როგორც ეროვნულ უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა განაცხადა, ომი, შესაძლოა, თვეების ან უფრო დიდი ხნის განმავლობაში გაგრძელდეს. ამასთან, CNN-ის თქმით, კიდევ ორ ევროპელ ოფიციალურ პირს სჯერა, რომ რუსეთის ომი მომავალი 4-6 თვე კიდევ იქნება.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში