უკრაინულ მედიის ინფორმაციით, იწვის რუსული სამხედრო გემი სახელად "მოსკოვი" — სწორედ ის, რომელსაც კუნზულ ზმეინის მცველებმა მიმართულება ომის დაწყებისთანავე მიუთითეს. თავდაპირველად ამის შესახებ ადგილობრივმა ჟურნალისტმა დაწერა, მოგვიანებით ოდესის სამხედრო ადმინისტრაციის ხელმძღვანელმა, მაქსიმ მარჩენკომ დაადასტურა, უკრაინის პრეზიდენტის მრჩეველი ალექსეი არესტოვიჩი კი ირონიულად გამოეხმაურა. ოფიციალურ სამხედრო პირებს ფაქტი ჯერ არ დაუდასტურებიათ

"სარაკეტო კრეისერი მოსკოვი წავიდა ზუსტად იქ, სადაც გაგზავნეს ჩვენმა მესაზღვრეებმა კუნძულ ზმეინიდან. ნეპტუნის რაკეტებმა, რომლებიც შავ ზღვაში იყო განლაგებული რუსულ ხომალდს სერიოზული ზიანი მიაყენა", — ამბობს მარჩენკო.

არესტოვიჩმა იხუმრა, რომ ხომალდი, სავარაუდოდ, არასწორ ადგილას მოწეული სიგარეტის ან უსაფრთხოების წესების დარღვევის გამო იწვის და ისევე არ გაუმართლა, როგორც ბელგოროდს. ამით მან მიანიშნა რუსეთში, ბელგოროდის ნავთობის ბაზაზე გაჩენილ ხანძარზე, რომლის მიზეზადაც რუსეთის ხელისუფლებამ უკრაინული თვითმფრინავების თავდასხმა დაასახელა.

"ცნობისთვის, ეს სწორედ ის ხომალდია, რომელიც ჩვენმა მცველებმა კუნძულ ზმეინიდან ნა ხ*ი გაუშვეს", — ამბობს ის.

BBC რუსული ბიურო წერს, რომ მოსკოვი შავი ზღვის ფლოტის ფლაგმანია და ითვლება ყველაზე ძლიერ შეიარაღებად რუსულ ფლოტში. გამოცემა წერს, რომ არ აქვთ საშუალება დაადასტურონ თავდასხმა ხომალდზე. ამ დრომდე გენერალურ შტაბს არ გაუვრცელებია არანაირი ინფორმაცია მომხდარის შესახებ.