დიდი ბრიტანეთის პრემიერმინისტრ ბორის ჯონსონსა და ხაზინის კანცლერს, რიში სუნაკს ლოქდაუნის წესების დარღვევის გამო დააჯარიმებენ. ოფიციალური პირების თქმით, მათ უკვე მიიღეს შეტყობინებები ჯარიმებთან დაკაშირებით.

ჯონსონებისა და სუნაკის სპიკერები აცხადებენ, რომ არ აქვთ ინფორმაცია იმის შესახებ თუ რომელ მოვლენას უკავშირდება ჯარიმები. თუმცა, გავრცელებული ინფორმაციით, ისინი, ჯონსონის ცოლთან ერთად, რომელიც ასევე დაჯარიმდება, ერთსა და იმავე შეკრებაზე იმყოფებოდნენ, პრემიერმინისტრის დაბადების დღეზე, 2020 წლის ივნისში.

პოლიცია იძიებს სავარაუდო Covid-ის კანონის დარღვევას დაუნინგ სტრისა და ვაითჰოლში გამართულ 12 შეკრებაზე. მათ 50-ზე მეტი ჯარიმა უკვე გამოწერეს.

ამ ინფორმაციის გავრცელების შემდეგ ოპოზიციის ზოგიერთი წარმომადგენელი აცხადებს, რომ ჯონსონი და სუნაკი თანამდებობიდან უნდა გადადგნენ.