უკრაინა რუსეთიდან ნებისმიერი პროდუქტის იმპორტს კრძალავს. ამის შესახებ უკრაინის ეკონომიკის მინისტრმა, იულია სვირიდენკომ განაცხადა. ომამდე რუსეთი უკრაინის ერთ-ერთი მთავარი სავაჭრო პარტნიორი იყო.

"დღეს ჩვენ ოფიციალურად ვწყვეტთ აგრესორ სახელმწიფოსთან სავაჭრო ურთიერთობებს ამიერიდან ჩვენი სახელმწიფოს ტერიტორიაზე რუსეთის ფედერაციის არცერთი პროდუქციის იმპორტი არ იქნება შესაძლებელი", — განაცხადა მან.

24 თებერვალს, რუსეთის უკრაინაში შეჭრის შემდეგ, ორ ქვეყანას შორის სავაჭრო ურთიერთობები პრაქტიკულად არ არსებობდა, თუმცა ეს ნაბიჯი იმპორტის შეწყვეტას კანონად აქცევს.

სვირიდენკოს თქმით, უკრაინის ამ ნაბიჯმა დასავლელ პარტნიორებს რუსეთის წინააღმდეგ სანქციების გაძლიერებისკენ უნდა უბიძგოს, მათ შორის, ენერგეტიკულ პროდუქტზე ემბარგოს დაწესება და ყველა რუსული ბანკის იზოლაციაა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში